કાર્યક્રમની શરૂઆત તિલાવતે કલામે પાકથી કરવામાં આવી હતી, જેની સાદત મોહમ્મદશાહ સૈયદ (માંડવી)ને પ્રાપ્ત થઈ હતી. ત્યારબાદ શ્રી સજ્જનસિંહ જાડેજા, સૈયદ સલીમબાપુ અને અમીનશાહ બાવા સાહેબે પોતાના મુબારક કલિમાત દ્વારા સમાજને નસિહત અને માર્ગદર્શન પૂરું પાડ્યું હતું. અંતમાં સંસ્થાના પ્રમુખ જુણસભાઈ હિંગોરાએ આભારવિધિ રજૂ કરી હતી.

સમગ્ર કાર્યક્રમનું સુંદર સંચાલન સંસ્થાના ખજાનચી હુસેન માસ્ટરે કર્યું હતું, જ્યારે કાર્યક્રમનું આયોજન સંસ્થાના મહામંત્રી ખાલિદભાઈ હિંગોરા તથા સમિતિના સભ્યોના સહયોગથી સફળતાપૂર્વક કરવામાં આવ્યું હતું.

પોતાના નસિહતી બયાનમાં સૈયદ સલીમબાપુએ સમાજમાં એકતા, ભાઈચારો અને ઇત્તેહાદ જાળવી રાખવાની તાકીદ કરી હતી. તેમણે સૌને આપસી મતભેદો અને મનદુઃખોને ભૂલી સમાજના વિકાસ અને ભલાઈ માટે સાથે મળીને કાર્ય કરવાની અપીલ કરી હતી. સાથે જ તેમણે હિંગોરા સમાજની સતત પ્રગતિ અને તરક્કી માટે ખાસ દુઆઓ કરી હતી અને આશા વ્યક્ત કરી હતી કે સમાજ અન્ય કોમો માટે પણ પ્રેરણારૂપ બને તેમજ દીન અને દુનિયા બંનેમાં કામયાબીઓ હાંસલ કરે.

આ પ્રસંગે સમાજના પ્રમુખ હાજી જુણસભાઈ હિંગોરાએ સૈયદ સલીમબાપુને શાલ ઓઢાડી સન્માનિત કર્યા હતા તેમજ ઉપસ્થિત તમામ મહેમાનોનો દિલથી આભાર વ્યક્ત કર્યો હતો.

કાર્યક્રમમાં ઉપપ્રમુખ હાજી યાકૂબભાઈ તથા અલીમામદભાઈ, મહામંત્રી હાજી ખાલિદભાઈ, ખજાનચી ઈલિયાસભાઈ, સમાજના વડીલો, આગેવાનો તથા સમિતિના સભ્યો ઉપસ્થિત રહ્યા હતા. કાર્યક્રમનું સંચાલન સહમંત્રી મુસ્તાક મૌલાનાએ કર્યું હતું, જ્યારે સમગ્ર વ્યવસ્થા સમિતિના સભ્યો અને યુવકોએ સંભાળી હતી.